Սույն թվականի մայիսի 11-ին Երևանի Բ.Ժամկոչյանի անվան թիվ 119 ավագ դպրոցում տեղի ունեցավ «Բուժենք աշխարհը» խորագրով միջոցառում՝ նվիրված Եվրոպայի խորհրդի գործունեությանը (ուսուցիչ՝ Ս.Նազարյան): Միջոցառման նպատակը կազմակերպության գործունեության տեսանելիության բարձրացումն ու հանրահռչակումն էր: Աշակերտները ներկայացրին ԵԽ-ի ստեղծման պատմությունը, գործունեությունը, հիմնական նպատակները և արդի մարտահրավերները: Միջոցառումը հագեցած էր համաշխարհային հիթերով և Կոմիտասի երգերով: Պարային համարներով ելույթ ունեցան «Նանե» պարային ստուդիայի սաները:
