«ՆԱՆԵ» պարային ստուդիան մասնակցել է Ֆրանսիայի «Փարիզի աստղերը» 23-րդ միջազգային մրցույթին։ Մրցույթին ներկայացված էր 12 ստեղծագործություն՝ տարբեր տարիքային կատեգորիաներով և ժանրային անվանակարգերում։ Ներկայացված բոլոր պարերը ժյուրիի անդամների կողմից ստացել են ամենաբարձր միավորները և արժանացել 1-ին տեղերի, իսկ աբխազական «Երիտասարդական պարը» արժանացել է մրցույթի բացարձակ Գրան պրիին։ 9-ամյա Նանե Ավետիսյանը ժյուրիի անդամների կողմից ճանաչվել է մրցույթի լավագույն փոքրիկ պարուհի։
Հայի էությունը հասկանալու համար պետք է նրան փնտրել Հայաստանի սահմաններից շատ հեռու։
Հոկտեմբերի 26-ին, ակումբ «Franco arménien d’Antony”-ում մեր պարի ստուդիան բաց փորձ անցկացրեց «Փարիզի աստղերը» միջազգային մրցույթում հանդես գալուց առաջ։ Փորձին ներկա էին ինչպես ակումբի անդամները, այնպես էլ հրավիրված հյուրերը:
Մեր խորին շնորհակալությունն ու երախտագիտությունն ենք հայտնում ակումբի փոխնախագահ Ժակ Պետրոսյանին՝ հրաշալի դահլիճ տրամադրելու համար, Զաբել Մարկոսյանին՝ մեր բաց փորձը կազմակերպելու, Միրիամ, Արման և Անտոն Հակոբյաններին՝ ցուցաբերած համակողմանի աջակցության համար, օգնականներ Էմմա Մելոջյանին, Մերոն Փաբուջյանին, Մադլեն և Լեյլա Հովհաննիսյաններին, ամուսիններ Պերճ և Զաբել Հակոբյաններին և բոլոր սիրելի հյուրերին։
Մենք շնորհակալ ենք մեկից ավելի սերունդ հայ դաստիարակելու , պատմական հայրենիքի, մայրենի լեզվի, մշակույթի և արվեստի հանդեպ սեր սերմանելու համար։ Շնորհակալ եմ Ձեր հոգու ջերմության, հյուրընկալության, ծափերի, բարի խոսքերի ու մաղթանքների համար։ Շնորհակալություն մեր երեխաների համար համեղ ուտեստներ պատրաստելու համար: Մեր հանդիպումը հավերժ կմնա մեր հիշողության մեջ։
