«Նանե» պարային ստուդիան ներկայացրեց իր հերթական տոնական համերգը՝ «Առաջին քայլեր» խորագրի ներքո: Նախագծի նպատակն է արվեստի կախարդական աշխարհում ուղեկցել փոքրիկներին և հնարավորություն տալ նրանց կատարելու իրենց առաջին պարային քայլերը մեծ բեմում:
Համերգային ծրագիրն առանձնացավ իր բազմազանությամբ և հարուստ գույներով: Հանդիսատեսը վայելեց ինչպես հայկական պարերի ազնվականությունը, այնպես էլ աշխարհի ժողովուրդների պարերի ռիթմիկ ու դինամիկ կատարումները: Բեմում միահյուսվել էին փորձառու պարողների վարպետությունն ու նորեկ սաների անկեղծ հույզերը՝ ստեղծելով սերունդների միասնական տոն:
Միջոցառման առանցքային պահերից մեկը դարձավ ստուդիայի նորեկ սաների հանդիսավոր պարգևատրումը: Նրանք իրենց առաջին դիպլոմները ստացան ստուդիայի ավագ սաների ձեռքերից, ինչը խորհրդանշում էր փորձի փոխանցումն ու ջերմ ընդունելությունը «Նանե» մեծ ընտանիքում: Այս երեկոն ևս մեկ անգամ փաստեց, որ ստուդիայում յուրաքանչյուր երեխա հնարավորություն ունի դառնալու բեմի իսկական արտիստ:
