«Հարգելի բարեկամներ,
Թույլ տվեք ևս մեկ անգամ շնորհակալություն հայտնել Արցախի Ճանկաթաղ գյուղի դպրոցականների համակողմանի զարգացման նպատակով գրքեր նվիրաբերելու խնդրանքին արձագանքելու համար․ գուցե հենց ձեր նվիրած գիրքը վճռորոշ աջակցություն կտրամադրի Արցախի ապագա նորարարներին տեսնել, ձգտել, և կառուցել ավելի լավ ապագա։
Ձեր նվիրատվությունների շնորհիվ արդեն վաղը Արցախ կուղարկենք
– 1000+ գրքեր (հիմնականում գեղարվեստական՝ պատանիներին ոգեշնչելու և երևակայությունը զարգացնելու համար)
– երաժշտական սինթեզատոր (գյուղում 30 տարի է դաշնամուր չկա)
– համակարգչային ակուստիկ համակարգ (computer speakers)
– պրոյեկտոր
– և այլ անհրաժեշտ պարագաներ:
Թույլ տվեք նաև անվանապես նշել հատկապես արժեքավոր աջակցություն դրսևորած բարեկամներին ու կազմակերպություններին․
– <<Հարյուր գիրք համայնքներին>> նախաձեռնություն,
– Վ. Պետրոսյանի անվան համար 51 դպրոցի աշակերտներ,
– <<Նանե>> պարային ստուդիայի սաներ,
– «ԴաբլԹրի բայ Հիլթոն Երևան Սիթի Սենթր» հյուրանոց,
– «Արմենիա Մարիոթ» հյուրանոց,
– ՄՈԳՈ ընկերության թիմին,
– Վաչե Ռուբենյան, Արմեն Գակավյան,
– Դիջիթեյն ընկերության թիմի գործընկերներին, ովքեր մինչև այս ամսվա վերջ 5 նոթբուք են նվիրաբերելու Ճանկաթաղ գյուղին:
Բոլորիս գործնական մասնակցությունն ու միացյալ ջանքերն են հնարավոր դարձնելու Արցախի ավելի լավ ապագան՝ կրթության և գիտության միջոցով։
Խնդրում ենք միանալ և նախաձեռնել ձեզ ծանոթ սրտացավ ու ապագայամետ մարդկանց շրջանում․ միասին կարող ենք ապագայի հնարավորություն տալ Արցախի երիտասարդներին։
Հարգանքով, Սամվել Մովսիսյան.
